Përkujtohet në 100 vjetorin e lindjes Myderriz Haki Efendi Sermaxhaj

Gjilan – Në lokalet e Konviktit të nxënësve të Shoqatës bamirëse shqiptaro-Turke “Sylejmanie” në Gjilan, në mënyrë modeste u shënua 100 vjetori i lindjes së fetarit, atdhetarit e patriotit të njohur të Regjionit të Anamoravës, Myderriz Haki efendi Sermaxhaj.Në këtë tubim para një numri të madh të qytetarëve, besimtarëve islam, për shëmbëlltyrën, jetën e veprën e Myderriz Haki efendi Sermaxhaj folën: Islam Osmani, Aliriza Selmani, Mulla Enver Rexhepi dhe Ilaz Mustafa.

Mospajtimet e qëndresa e vazhdueshme heroike, kundër pushtuesve sërbosllav si në kohën e Mbretërisë Serbe të mbretit Aleksandër e edhe ndaj regjimit komunist të Titos, bëri që Myderriz Haki effendi Sermaxhaj, t`i mbetët besnik kauzës tonë kombëtare për çlirimin e vendit deri në fund të jetës së tij, theksoi në fillim të fjalës së tij Islam Osmani, duke potencuar se Myderriz Haki efendiu, i edukuar e frymëzuar nga fetari, patrioti dhe kolosi i kësaj ane Mulla Idriz Gjilani, i cili ishte edhe mësuesi i parë i tij në Mejtepin e Hogoshtit si dhe nga patrioti tjetër shqiptar-poashtu Myderriz në Medresen “Medah” të Shkupi, Atullah efendiu, është dhe mbetet njeri ndër kolosët e njohur fetar, atdhetar e kombëtar së bashku me Mulla Idriz Gjilanin në Regjionin e Anamoravës.

U lind para 100 viteve në Hogosht të Dardanës (ish Kamenicë). Pasi kreu Mejtepin e këtushëm ku për mësues kishte patriotin e njohur Mulla Idriz Gjilanin, vazhdoi shkollimin në Medresen e njohur“Medah” të Shkupit ku poashtu për mësues kishte një patriot tjetër shqiptar, Myderiz Atullah effendi Kurtishin.

Medresen “Medah” të Shkupit e kryen në vitin 1940 dhe kthehet menjëherë në Hogosht për pak kohë e për të vazhduar pastaj në Gjilan, shpërndarjen e diturisë që kishte fituar nga myderizët e njohur të medresës në zë si Atullah effendi Kurtishi (i cili ishte edhe rithemelues i Medreses “Medah” ) e të tjerë.

Medresja “Medah “ e Shkupit jo vetëm që ishte shkollë fetare, por ajo ishte çerdhe e edukimit patriotik e atdhetarë të të gjithë myslimanëve shqiptarë që e kryenin këtë Medrese.

E tërë kjo tek Hakiu kishte lënë mbresa të pashlyeshme në vetëdijet e tij prej një personaliteti me përcaktim të qartë fetar, politik, patriotik e atdhetar gjë që e cyti Haki efendiun të rihapë Medresen “Atik” në Gjilan ndër medreset e para në regjion (ndoshta edhe më gjerë) pasi që ato ishin mbyllur nga mbretëria sërbosllave.

Pas hapjes së Medreses “Atik” në Gjilan regjimi i atëhershëm nuk e shikoi me sy të mirë dhe prej këtu edhe filluan përndjekjet, meltretimet e më vonë edhe burgosjet e Myderiz Haki efendiut.

Përkundër kësaj ai i kishte dhënë detyrë vetes si dhe ishte betuar se tërë jetën do t’ia kushtoi shkollimit, edukimit fetar si dhe çlirimit të atdheut. Këtë e kishte edhe porosi nga Mësuesi i tij Atullah Efendi Kurtishi, i cili para se të ndërroi jetë kishte lënë një amanet për nxënësit e tij që të mos i braktisin trojet e veta, të cilat me gjak i kanë mbrojtur gjyshërit e stërgjyshërit tanë.

Myderiz Haki efendiu në Medresen “Atik “ të Gjilanit, futi edhe mësimin në Gjuhën shqipe. Pas kësaj Myderriz Haki Efendiu gjithherë ishte nën përcjellje të secilit regjim pushtues dhe pothuajse menjëherë pas ardhjes në pushtet, regjimi komunist atë e burgosin në gusht të vitit 1946,prej nga nuk lirohet kurrë.

Qëndroi në burg deri në fund të jetës së tij në 1948 në burgun e Mitrovicës së Sremit, kur ndërroi jetë, duke mos mundur tu bëjë ballë maltretimeve, rrahjeve dhe në fund edhe mbytjen e tij nga regjimi sllavo-komunist.

Ndërroi jetë në burgun fatkeq të Mitrovicës së Sremit dhe u varros pa e lajmëruar fare familjen e tij për vdekjen e tij e as për varrimin, gjë që sot e kësaj dite Myderrizit Haki effendi Sermaxhaj nuk i dihet varri edhe pas 66 viteve e edhe vdekja e tij mbetet enigma e pa zbardhur deri më sot, theksoi në fjalën e tij ekspozuesi i parë Islam Osmani.

Edhe, Aliriza Selmani, historian evokoi disa nga ngjarjet e mësuara që më parë nga shokët e Myderriz Haki efendiut të Medreses “Medah” të Shkupit, nga bashkëpunëtorët e bashkëluftëtarët e tij.

Mulla Enver Rexhepi, foli për ndikimin e Myderriz Haki efendiut, tek gjeneratat e reja të hoxhollarëve të kësaj ane.

Ndërsa Ilaz Mustafa, kryeimam i Këshillit të Bashkësisë Islame të Gjilanit pothuajse tërë hytben e gjumasë ia kushtoi Myderriz Haki effendi Sermaxhajt.

Në fund të këtij tubimi përkujtues iu bë një dua hatme kushtuar Myderriz Haki effendi Sermaxhajt.

Ishte ky tubimi i parë përkujtimor i organizuar që nga vdekja e tij, nga vetë familjarët (djemtë:Irfani e Taipi) e Myderriz Haki effendi Sermaxhaj./rajonipress/