Përkujtohet Hanëmshahe Abdullahu – Nushi

Gjilan – Duke çmuar lartë veprimtarinë e dëshmores Hanëmshahe Abdullahu –Nushi, Gruaja Demokratike (GDK) në Gjilan ka bërë homazhe tek varri i Nushit.

Dëshmorja Hanëmshahe Abdullahu- Nushi, ishte një mësuese që dashurinë nga nxënësit e saj si një mësuese e vyeshme, respektin dhe dallohej e shquhej edhe si një veprimtare e devotshme e cila angazhimin politik nuk e ndali deri në kohën kur u rreshtua në radhët e UÇK- së, ku edhe ra dëshmore.

Prandaj në ditën e mësuesit por edhe në prag të festës së Gruas, kujtohet Nushi si një mësuese, nënë, veprimtare dhe dëshmore e vetmja femër në zonën tonë, u tha gjatë bërjes së homazheve nga GDK./rajonipress/