Përgatiten për të marrë pushtetin – përgatisin listën e projekteve

Gjilan – Nga takimi i rregullt i kryetarëve të nëndegëve të LDK-së sipas Sadudin Berishës nënkryetar i LDK-së të gjithë së bashku kanë garantuar qytetarët e Gjilanit se vota e tyre do të mbrohet me secilin çmim, duke pasur në kujtesë manipulimet që kanë ndodhur në zgjedhjet e kaluara.

Lidhja Demokratike e Kosovës – Dega në Gjilan, ka mbajtur takimin e rregullt me kryetarë të nëndegëve të LDK-së. Në takim përveç strukturave udhëheqëse të Degës, ishin të pranishëm të gjithë kryetarët e nëndegëve të LDK-së në Gjilan.

Sadudin Berisha i ka njoftuar përfaqësuesit e nëndegëve për agjendën politike të LDK-së gjatë muajit të ardhshëm. Gjithashtu në takimin e sotshëm u diskutua edhe mobilizimi që strukturat e Degës duhet ta kenë këtyre ditëve, duke e ditur që ky vit sipas të gjitha gjasave është edhe vit zgjedhor.

Pas shumë diskutimeve që përfaqësuesit e nëndegëve patën, ata kërkuan përkushtim më të madh dhe angazhim maksimal nga të gjitha strukturat e Degës për ta mundur këtë qeverisje të keqe që ka kapluar qytetin tonë.

Kryetarët e nëndegëve i njoftuan përfaqësuesit e Degës për listat e projekteve që kanë kërkuar banorët e Gjilanit dhe fshatrave pasi të vijë LDK në pushtet, që sipas kryetarëve të nëndegëve kjo veçse është fakt i kryer.

Gjithashtu të gjithë së bashku nga ky takim garantuan qytetarët e Gjilanit se vota e tyre do të mbrohet me secilin çmim, duke pasur në kujtesë manipulimet që kanë ndodhur në zgjedhjet e kaluara ka thënë Sadudin Berisha./rajonipress/