Përfundon turniri tradicional “Rogana 2014”

Kamenicë – Në një ndeshje para shumë tifozëve të futbollit u luajt finalja në mes të dy ekipeve finaliste Petriti – Menar Jora Center nga Prishtina ku fitues pas ekzekutimit të penalltive u shpall Menar Jora Center.

Në këtë finale futbolli prezent ishte edhe Kryetari i Komunës Begzad Sinani i cili ndau mirënjohje lojtarit më të mirë të turnirit Agon Ramadani dhe ndau kupën për ekipin fitues, po ashtu prezent ishin dhe kryesuesi Bajram Dërmaku dhe Drejtoresha e Kulturës dhe Rinisë, Sportit Venera Dërmaku-Rexha në emër të drejtorisë përshëndeti të pranishmit.

“I nderuar Kryetar Sinani, të nderuar të pranishëm dhe në veçanti bashkatdhetarë!
Me lejoni t`iu përshëndes në emër timin dhe të DKRS-së! Dhe t`i përgëzoj organizatorët e këtij turniri që tash e sa vite e begatojnë Roganën dhe krejt Komunën e Dardanës me aktivitete sportive përmes këtij organizimi të këtij turniri tashmë tradicional. Ju siguroj që në si drejtori do të vazhdojmë të mbështesim organizimin tuaj edhe në vitet tjera në mënyrë qè të jetë turnir madhështor vit pas viti. Ju ftoj të gjithëve që me atë që kemi mundësi ta mbështesni sportin në komunën tonë, sepse kështu do të ndihmojmë sportistët tonë që të arrijnë rezultate me të cilat ne do të krenohemi dhe do të përfaqësohemi në nivel vendi dhe ndërkombëtar”./rajonipress/