Përfundon takimi i ambasadorit Kosnett me Osmanin, diskutojnë për krijimin e qeverisë
RajoniPress
16:52, 28 Tetor, 2019
Sot, nënkryetarët e Lidhjes Demokratike të Kosovës, Vjosa Osmani dhe Lutfi Haziri janë takuar me ambasadorin e SHBA-ve në Kosovë, Philip Kosnett.
Gjatë këtij takimi është diskutuar për situatën aktuale politike në vend dhe bisedimet ndërmjet LDK-së dhe VV-së për formimin e institucioneve të dala nga zgjedhjet e tetorit 2019.
“Lidhja Demokratike e Kosovës vazhdimisht shprehë mirënjohjen dhe falënderimin e veçantë për mbështetjen që i kanë dhënë SHBA-të Kosovës në të gjitha proceset shtetndërtuese”, thuhet në komunikatën e LDK-së.
Osmani gjatë takimit ka diskutuar për prioritetet e LDK-së në institucionet e ardhshme, në veçanti për zhvillimin ekonomik, procesin e dialogut Kosovë-Serbi dhe sundimin e ligjit dhe ka potencuar rëndësinë e bashkërendimit të qëndrimeve me partnerët tanë, SHBA-të dhe Bashkimin Evropian.
Kosnett inkurajoj LDK-në të vazhdoj qasjen konstruktive në proceset e Kosovës. /Lajmi.net/
