Përfundon me sukses projekti “Vitia Colony of arts 2017”

Viti – Kolonia artistike këtë vit u organizua me artist nga gjitha trojet shqiptare kurse në vitin e kaluar ishte organizuar me artist nga Amerika. Për gjatë katër ditëve me radhë kjo koloni mblodhi rreth vetes 25 artist ky projekt u organizua me qellim të promovimit te vlerave kulturore e artistike si dhe shkëmbimin e ideve dhe përvojave mes artistëve ku për qellim kishte edhe prezantimin e bukurive natyrore nga vendi ynë.

Kjo koloni u mbajt në fshatin Letnicë të Komunës së Vitisë, ky fshatë është i banuar nga tri komunitete dhe si i tillë ka një shtrirje shumë të mirë gjeografike si dhe pamje atraktive e piktoreske, ku ja vlen të promovohet si vend turistik.

Ky projekt u finalizua me hapjen e Ekspozitës kolektive në Galerinë e arteve në Viti, ku punimet e prezantuara dolën si rezultat i kësaj kolonie katër ditore.

Koordinator dhe ideator i këtij projekti ishte Mervan Mustafa kryetar i shoqatës së artistëve figurativ “Gursel Sylejmani”. Realizimin e këtij projekti e mundësoi Ministria për kulturë rini dhe sport, si dhe drejtoria për kulturë rini dhe sport në Viti.

Ky është projekti i fundit që u realizua nga Shoqata e artistëve “Gursel Sylejmani” pas disa projekteve që ishin realizuar gjatë muajve të kaluar, si në Francë, Zvicër e Amerikë. Tradita për organizimin e këtij projekti do të vazhdoj edhe gjatë viteve të ardhshme./rajonipress/