Përfundon faza e parë e trajnimeve për të rinjtë e Gjilanit

Gjilan – Këshilli i Veprimit Rinor Lokal të Gjilanit në bashkëpunim me Drejtorinë për Rini, Kulturë dhe Sport kanë filluar të zbatojnë projektin për trajnime të të rinjve të Komunës së Gjilanit

Involvimi i të rinjve të zonave të margjinalizuara dhe përfshirja e të rinjve në procese shoqërore është tema mbi të cilën po organizohen këto trajnime.

Sa i përket këtij projekti Veton Nevzadi, Drejtor për Rini, Kulturë dhe Sport theksoi që punët në realizimin e këtij projekti kanë shkuar ashtu siç është parashikuar. Nevzadi tha se në këtë fazë kanë marrë pjesë 65 të rinj të cilët janë përzgjedhur nga Këshilli i Veprimit Rinor Lokal të Gjilanit, ndërsa projekti do të vazhdojë deri në tri faza, ndërsa faza e dytë planifikohet që të fillojë me 20 korrik 2013.

Fatlum Zeneli, nënkryetar i KVRL-së në Gjilanit sa i përket fazës së dytë të projektit tha se deri më tani numri i të rinjve të interesuar po rritet dhe aktualisht i kemi 30 të rinj të interesuar për trajnime që vijnë nga shkollat e mesme të qytetit dhe nga student të fakulteteve të ndryshme. “Kjo dëshirë e të rinjve për tu trajnuar po ndodhe falë rekomandimeve të mira të cilat kanë ardhur nga të rinjtë të cilët kanë kryer këtë fazë trajnimin” tha ai.

Qëllimi i këtij projekti është identifikimi i nevojave të të rinjve, ngritja e vetëdijes së tyre mbi proceset shoqërore, ngritja e kapaciteteve profesionale dhe aftësimi i të rinjve për të përgatitur një plan projekt mbi grantet e ndryshme që jepen nga Ministria e Kulturës dhe Organizatat ndërkombëtare./rajonipress/