Përfundon drafti i parë i zonës Ekonomike në Llabjan, përfitues edhe Lugina

Gjilan – Ekspertet komunal Sami Vllasaliu dhe Sabedin Vllasaliu në bashkëpunim me ekspertët e komunës së Gjilanit kanë marrë pjesë në takimin e prezantimit të draftit të parë për ndërtimin e qendrës Ekonomike në Llabjan të Artanës.

Takimi është zhvilluar në Zyrat e komunës së Gjilanit , ndërsa prezantimi i draftit është bërë nga ekspertët vendor dhe ata ndërkombëtarë që janë të angazhuar në hartimin e këtij projekti.

Sami Vllasaliu tha se është duke u hartuar një projekt shumë i rëndësishëm për rajonin lindje pasi që në këtë lokacion bëhet kryqëzimi i të gjitha rrugëve që lidhin komunat e regjionit të Gjilanit duke mos harruar edhe komunat e Luginës së Preshevës raporton rajonipress.

Nga ekspertet e komunave sipas Vllasaliut janë dhanë disa plotësime dhe ndryshime që duhet të përfshihen në hartimin e këtij projekti duke filluar nga ndryshimi i hyrjes në qendër, dislokimi i rrjetit energjetik, dislokimi i sistemit të ujësjellësit dhe kanalizimit, dhe nga ekspertët është propozuar ndërtimi i një trafo për këtë zonë.

Ndryshe nga ky takim pritet të evidentohen të gjitha vërejtjet e ekspertëve vendor e ndërkombëtarë në mënyrë që ato pastaj të inkorporohen në planin final të projektit.

Gjatë tërë kohës sa ka zgjatur takimi ekspertët shqiptar kanë komunikuar me ekspertin e huaj i cili përmes rrjetit social është përgjigjur të gjitha interesimeve e tyre që lidhen me zonën ekonomike të Lindjes./rajonipress/