Përfundojnë në burg për sulme fizike ndaj femrave
Gjilan – Në rrugën “Lidhja e Prizrenit, në Gjilan është arrestuar i dyshuari mashkull shqiptar pasi që i njëjti ka sulmuar fizikisht duke goditur viktimën femër shqiptare, të cilës i ka shkaktuar lëndime trupore.
Viktimës i është ofruar tretman mjekësor në Emergjencën e Spitalit Rajonal në Gjilan, ndërsa i dyshuari pas intervistimi, me vendim të prokurorit është dërguar në mbajtje.
Edhe në rrugën “Abdullah Tahiri” në Gjilan është arrestuar i dyshuari mashkull shqiptar pasi që me datën e lartcekur kishte sulmuar fizikisht viktimën femër shqiptare.
Po ashtu, i dyshuari kishte vazhduar përmes rrjetit social Instagram duke e kanosur seriozisht viktimën. Pas intervistimit, me vendim të prokurorit i dyshuari dërgohet në mbajtje njoftoj policia e Kosovës./rajonipress/