Përfundimtare: 906 studentë nga Bujanoci përfitues të bursës

Komuna e Bujanocit të martën ka publikuar listën përfundimtare të studentëve përfitues të bursës, pas afatit tetë ditorë të ankesave.

Në grupin e studentëve që kanë fituar bursën, sipas listës së bërë publike në faqen zyrtare të administratës, ate e fitojnë edhe 21 studentë, nga 106 sa ishin refuzuar në fillim nga Komisioni për ndarjen e bursave komunale, në paraqitjen e rezultateve paraprake.

Tani nga 991 aplikime, të drejtën për bursë e kanë fituar 906 studentë, kurse 85 për shkak të mungesës së dokumentacionit apo mosplotësim të kushteve tjera, kanë dështuar në këtë konkurs, raporton Titulli.com.

Sikurse në vitin 2014 edhe këtë vit, shuma e përgjithshme për bursa studentore është 10 milion dinarë. /Titulli.com/