Përfshihet nga zjarri një shtëpi në Kamenicë, një i lënduar dërgohet në QKUK

Kamenicë – Në fshatin Busavatë, të Kamenicës një mashkull kosovar, ka pësuar lëndime si pasojë e një zjarri që ka shpërthyer në shtëpinë e tij.

Zjarri dyshohet se ka shpërthyer kur motra e viktimës e ka ndezur kaminin dhe aksidentalisht është përfshirë dhoma.

Rastit përveç njësive policore i është përgjigjur edhe ekipi i zjarrfikësve. I lënduar është dërguar për trajtim mjekësor në QKUK dhe sipas mjekëve ka djegie të shkallës së parë.

Në konsultim me prokurorin është iniciuar rasti dhe mbetet në hetime njoftoi policia e Kamenicës./rajonipress/