Përfshihen nga zjarri pishat e Stanishorit

Gjilan – Policia e Kosovës në Novobërd e ka pranuar një informatë nga nga një qytetar i cili ishte duke udhtuar nga Gjilani në drejtim të fshatit Makresh, se ai ka vërejtur një zjarr në Parkun te Pishat mbi fshatin Stanishor, vend i cili frekuentohet nga “Vullnetarët e Mëngjesit”njoftoj policia e Gjilanit.

Sipas Ismet Hashanit zëdhënës i policisë është njoftuar Ekipi i Zjarrfikësve nga Novo Bërda, por edhe një Ekip nga Gjilani, të cilët e kanë lokalizuar zjarrin.

Ndërkohë, rreth orës 19:30, zjarri përsëri është aktivizuar, ku Ekipi i Zjarrfikësve nga Novo Berda kanë intervenuar përsëri, si dhe Drejtoria e Ministrisë së Bujqësisë që kishin dalë në vendngjarje, rreth orës 22:00 zjarri është shuar plotësisht.

Për momentin nuk ka ndonjë të dyshuar. Sipas zjarrfikësve, është ndezur një pjesë e drunjve-pishave rreth Parkut në një sipërfaqe rreth 2 hektarë.

Ende nuk dihet dëmi i shkaktuar. Me vendim të Prokurorit të shtetit, rasti është duke u hetuar nga policia e Kosovës njësitet hetuese nga Novobërda./rajonipress/