Përfshihen në rrahje dy familje, lëndohen tre persona

Gjilan – Më 30 janar 2018 rreth orës 00:20 nga Emergjenca, Policia e Kosovës në Gjilan është njoftuar se aty janë sjellë disa persona të lënduar nga një rrahje që kishte ndodhur në lagjen e Jabuqëve. Njësiti policor ka dal në atë lokacion dhe nga hetimet e para mësohet se rrahja kishte ndodhur në mes të pesë personave pjesëtarëve të dy familjeve për shkak të një mosmarrëveshje, që kishin mes veti, ku si pasojë lëndime kishin pësuar tre persona.

Për tretman mjekësor në repartin e Kirurgjisë në Spitalin Rajonal të Gjilanit, është ndalur njëri nga ta kurse dy të tjerët pas tretmanit janë liruar. Në vendngjarje nga të dyshuarit janë konfiskuar një thikë dhe një mjet i fortë shkop druri, qe dyshohet se janë përdorur në rrahje.

Për rastin janë njoftuar hetimet rajonale, të cilët kanë dal në vendngjarje dhe kanë njoftuar prokurorin e Krimeve të Renda.

Prokurori i shtetit ka urdhëruar që ndaj katër personave të dyshimtë të caktohet masa e ndalimit për 48 orë. Hetimet vazhdojnë nga Njësia e Hetimeve Rajonale njoftoj Ismet Hashani./rajonipress/