Performanca e Egzonës, përloti këngëtaren Soni Malaj

Mbrëmë në Tiranë është zhvilluar mbrëmja e pestë e finales së spektaklit të talentëve, “X Factor”. Në mesin shumë konkurentëve ajo që u pëlqye më shumë dhe u vlerësua më lartë nga të gjithë të tjerët, ishte konkurrentja nga Prishtina, Egzona.

Ajo këndoi një baladë të bukurë në gjuhën italiane, dhe me këtë paraqitje ajo morri të gjitha komentet më të mira të mundshme nga juria. Alban Skenderaj, përveç për interpretimin e komplimentoi edhe për aksentin e saj të pastër të gjuhës italiane, duke përmendur kështu faktin se në Kosovë kjo gjuhë nuk është edhe aq familjare.

Anëtarja tjetër e jurisë, Soni Malaj nuk arriti të thoshte më shumë sesa që “je e mrekullueshme” shkaku i lotëve dhe emocioneve të shkaktuara nga kënga dhe interpretimi i konkurrentës.

Egzona përveç pëlqimit të jurisë, morri edhe pëlqimin e publikut të cilët e votuan përmes mesazheve, çka i siguroi asaj edhe një tjetër paraqitje në “X Factor”.

Falë sharmit të saj, Egzona që nga fillimi ka qenë njëra nga konkurrentet më të spikatura nga juria dhe publiku. /Indeksonline/