Përfaqësuesja e Kosovës U19 mban stërvitjen e parë në Prishtinë

Përfaqësuesja e Kosovës U19 në futboll, që nga sot për katër ditë, 28 futbollist në stadiumin e 2 Korrikut nën drejtimin e Përzgjedhësit Ramiz Krasniqit, do të stërvitin për të pa formën e futbollistëve nga afër.

Fillimisht futbollistët i ka përshëndetur zv. Ministri i Kulturës, Rinisë dhe Sportit, Rexhep Mazreku ai ju ka dëshiruar suksese të gjithë futbollistëve dhe shtabit udhëheqës të Përfaqësueses së Kosovës U19.

“Gjatë këtyre katër ditëve do të punojmë me intensitet të shtua, do të mundohemi të bëjmë përzgjedhjen e duhur dhe të përgatitemi sa më mirë për Kampionatin Evropian i cili do të mbahet në shtetin e Hungarisë në muajin tetor, shpresoj se do të kemi edhe ndeshje kontrolluese gjerë në muajin tetor, kemi potencial të mirë të futbollistëve dhe shpresoj shumë se do të arrijmë rezultate të mira, por na duhet shumë punë ndërsa gjatë këtyre katër ditëve do të zhvillojmë edhe dy ndeshje kontrolluese”, është shprehur përzgjedhësi, Ramiz Krasniqi.

Duhet përkujtuar pas ndërrimit të jetës së ish-Presidentit, Fadil Vokrrit, Përfaqësuesja e Kosovës U19 është e para që ka grumbulluar futbollistët e saj./rajonipress/