Përfaqësuesja e Kosovës U19 dhe Ramiz Sadiku luajn baraz

Në qytetin e Obiliqit në stadiumin “Agron Rama”, është zhvilluar ndeshja miqësore në kuadër të përgatitjeve në mes Përfaqësueses së Kosovës U19 dhe Ramiz Sadikut, e cila ka përfunduar me rezultat 2-2.

Përzgjedhësi i Përfaqësueses së Kosovës, Ramiz Krasniqi, ka sprovuar afro 30 futbollist për të parë nga afër formën e djelmoshave të tij nga diaspora.

Gjatë 90 minutave u shënuan katër gola, ndërsa talentët e Përfaqësueses së Kosovës edhe pse ishin për herë të parë në grumbullim së bashku treguan lojë të mirë.

Përzgjedhësi i Përfaqësueses së Kosovës, Ramiz Krasniqi, lidhur me paraqitjen e futbollistëve të tij pas ndeshjes ka deklaruar.
“Është hera e parë që këta djelmosha janë së bashku, ne sprovuam shumë futbollist për të parë nga afër kualitetin e tyre, duhet pranuar se na duhet punë të punojmë me këta djelmosha shihet se kanë talent por ne sprovuam afro 30 futbollist, nesër po të njëjtën fushë do të takohemi edhe KEK-un, duke filluar në ora 16:00 dhe do ta kemi një lloj pasqyre të këtyre futbollistëve”./rajonipress/