Kryetari i Këshillit Kombëtar Shqiptar, Ragmi Mustafa ka reaguar ndaj kryetarit të Preshevës Shqiprim Arifi. Mustafa ka publikuar një foto të Arifit me ministrin serb i Punëve të Brendshme, Aleksandar Vulin.
“Mos u zgrdhini me ata që iu quajnë “šiptar””, shkroi ndër të tjerash Mustafa në Facebook.
Shkrimi i plotë:
Angazhimi i pa kompromis për të drejtat e shqiptarëve ndaj një fryme fashiste e raciste nuk duhet ta zmbraps askënd. Dje, sot dhe nesër. Deri në fund.
P. S. Mos u zgrdhini me ata që iu quajnë “šiptar”.
P. S. S. Nuk fshehem as mas “fake profile” e faqeve të rreme. Me të vërtetën në betejat politike.
Në zgjedhjet e parakohshme lokale në Luginë të Preshevës, Partia Demokratike Shqiptare e Ragmi Mustafës fitoi nëntë vende në Kuvendin Komunal të Preshevës.
