Përfaqësuesit e fshatrave të Artanës shpalosin kërkesat e tyre
Gjilan – ATRC në bashkëpunim me Komunën e Novobërdës ka filluar me procesin e identifikimit të nevojave të qytetarëve të Komunës së Novobërdës.
Me këtë rast në komunën e Novobërdës është mbajtur një takim me përfaqësuesit e 9 fshatrave të porsazgjedhura me temën “Identifikimi i nevojave dhe rekomandimeve të qytetarëve të Komunës së Novobërdës”.
Nora Susuri përfaqësuese nga ATRC-ja tha se ky aktivitet realizohet në kuadër të projektit “Qytetarë aktiv-komuna të përgjegjshme dhe transparente”, të mbështetur nga Qendra Ndërkombëtare Olof Palme.
Projekti implementohet në komunën e Novobërdës, Gjilanit, Vitisë dhe Kamenicës dhe ka për qëllim të rris pjesëmarrjen e qytetarëve në vendimmarrje në nivel lokal.
Në këtë takim përmes Këshillave të fshatrave u bë identifikimi i nevojave për 9 fshatra të Komunës së Novobërdës si dhe paraqitja e rekomandimeve dhe kërkesave të banorëve të këtyre fshatrave./rajonipress/