Përfaqësuesit e Amerikës në KKSH
Kryetari i Këshillit Kombëtar Shqiptar, Shukri Ymeri, u takua dje në selinë e KKSH-së në Bujanoc me Sekretari i dytë, seksioni politik ambasadës Amerikane ne Beograd Adam Schik, dhe bashkëpunëtorin e tij Denis Ibishbegoviq.
Gjatë takimit përfaqësuesit e ambasadës amerikane u interesua për rrjedhën në Këshillin Kombëtar Shqiptar si dhe për çështjet të cilat janë kompetencë e tij si dhe për zhvillimet përgjithshme politike dhe situatën pas deklarimeve që Lugina e Preshevës do të jetë temë në Bruksel.
Nga ana tjetër kryetari Ymeri i ka njoftuar diplomatin amerikan rreth punës dhe aktiviteteve të KKSH-së si dhe rreth zhvillimeve të fundit, përfshi këtu edhe shtimin e forcave speciale anti-terroriste “Xhandarmeria” që ka shkaktuar shqetësime të theksuara në Luginën e Preshevës./rajonipress/