Perdedaj firmos me Energie Cottbus

Mesfushori kosovar, Fanol Perdedaj, ka firmosur kontratë për një vit e gjysmë me skuadrën e Bundesliga 2, Energie Cottbus. Kështu është bërë e ditur të enjten në faqen zyrtare të klubit, që zë vendin e fundit (18) në Bundesliga 2 me 13 pikë.

Perdedaj 22-vjeçar së fundi luajti për skuadrën e dytë të Herthas. “Fanol Perdedaj dhe Ahmed Madouni janë dy futbollistët e rinj të klubit dhe shpresojmë në ndihmën e tyre”, ka thënë trajneri i Energie Cottbusit, Stephan Schmidt.

Perdedaj më herët është ftuar për dy ndeshje nga ekipi U21 i Gjermanisë. Karrierë ka bërë edhe në Danimarkë, te Lyngby.