Për ju o rreze të lirisë

Nga Hysen Këqiku – (Tefik dhe Hanëmshahe Zymberit dhe të gjithë të rënëve për liri)

Shira heshtjesh rridhnin si pika loti
Natën nuk shndriste hëna e zbehur
Edhe diellin e zinin retë
Kur kukuvajkat kobëzeza
Thurrnin ditë zish për ne
Ti Tefi e Nushe udhëtonit me barrën e shpirtit
Bënit rrugë
si rruga e shkronjave
të alfabetit shqip nëpër histori

Errësirën e gjuajtët me shkronja
me zanore e apostrofa kushtrimesh
Morrët në dorë flakadanin e lirisë
Udha nuk u ngushtohej
Hapi juaj i rëndë si peshë guri
U bë dridhje e tokës
Nën këmbët e armikut

Tefik biri besnik e tokës së përvuajtur
Çdo skaji të Kosovës ia dijte dhimbjen
Çdo fshat e kishe në palët e kujtimit
Çdo qytet e përshkove me këmbë e pëllëmbë

Tefik – Azem Bejtë Drenica – i dytë
Hanëmshahja Shote Galica po si ajo vetë
Bac e Shotë
Shotë e bac
Nën gjëmën e bubullimave
Nën lëbyrjen e vetëtimave
Pas shkronjave të alfabeit vrapoje
Pas lirisë së shkollës shqipe
I trupove pash më pash
Se ishe burrë prej trimash

Grafite kudo bëre
në shkëmb e në gurë
ngriteshe në lavdë nënash
madhështor mbete o flamur
. . .
Dhembje e nënave
Vaj i motrave
Grisja e shamive të nusërisë
Për bijt
Djemt
Burrat
Në arkivole
Nga ushtrija armike nga ushtrija vrastare
Pushka e jote u bë kushtrim
Pushka e jote u bë legjendë
Si thirrja e Gjeto Bashe Mujit
Te kroi i mrizeve
Te lugjet e Verdha
Te Verbica e bacalokëve
Me simbolin UÇK

Nushe oj forcë – nëneje shqiptare
Ku e more gjitha atë turr trimëreshe
Po e dijmë, o të gjithë e dijmë
Në zemrat e nënave loçkë
Në zemrat e gjyshërve heheheeej!
O burra përpara o sot e kurrë
Ta këpusim zingjirin e robërisë
Për nënëloken Dardani

Për liri, për liri!….
O trimat e tokës loçkë
O ju që frymuat dhe dhatë jetën për liri
Për ju edhe zogjtë e malait këndojnë këngë
adhurimi
Për ju edhe peshqit në det e lumë këndojnë këngë
lavdesh
Për ju gjithmonë do të këndohen këngë trimërishë
Për ju do të shkruajnë poetët
Për ju o bijtë e Dardanisë
Për ju o rreze të lirisë!…