Për herë të parë luhet Ragby në Komunën e Gjilanit

Gjilan – Në stadiumin e qytetit të Gjilanit të shtunën është luajtur loja e ragbit e organizuar nga Drejtoria e Kulturës, Rinisë dhe Sportit në bashkëpunim me Roster Rugby Club Kosova dhe KFOR-in.

Me këtë rast drejtori për kulturë, Veton Nevzadi, ka falënderuar përfaqësuesit e klubit të Rugby me udhëheqës Deniz Dautajn si dhe përfaqësuesit e KFOR-it Amerikan që iu kanë përgjigjur pozitivisht gatishmërisë së drejtorisë për Kulturë, Rini dhe Sport, për ta zhvilluar ndeshjen e parë të Rugby, të luajtur ndonjëherë në Gjilan.

Ai tha se si drejtori kanë shtuar dinamikën e aktiviteteve sportive, duke u munduar që t’u sjellim adhuruesve të sporteve të ndryshme, përvoja të rëndësishme, të cilat shpresoj që do t’i aplikojmë si komunë dhe si komunitet sportiv. Ky angazhim i drejtorisë do të vazhdoj edhe me tutje, ka potencuar drejtori i DKRS-së Veton Nevzadi.

Komuniteti i sportit në Gjilan, në këtë ndeshje kanë shprehur gatishmërinë për të filluar angazhimet për themelimin e një klubi të Ragb-it në Gjilan.

Ndryshe edhe përkundër që natyra e lojës së Ragb-it është shumë e vrazhdë, nuk kishte ndonjë lëndim në mesin e lojtarëve./rajonipress/