Për Gjilanin sërish lind shpresa, në balotazh maten forcat mes Alban Hysenit dhe Arbër Ismajli

Gjilan – Sipas rezultateve përfundimtare të KQZ-së, Alban Hyseni i Vetëvendosjes ka siguruar 49.82% të votave, ndërsa Arbër Ismajli i Lidhjes Demokratike të Kosovës ka 34.31% të votave. Nga ky rezultat, dy kandidatët për kryetar të komunës do të hyjnë në garën për balotazh që zhvillohet më 9 nëntor. Gjilanasit e vërtetë e kanë edhe një rast të mirë që më 9 nëntor t`ia kthejnë dinjitetin këtij qyteti të lënë pasdore, ta kthejnë shpresën e madhe dhe të zgjedhin një kryetar që është komunikues, i afërt me qytetarin, i ditur në menaxhim dhe realizues i projekteve të mëdha.

Për Gjilanin sërish lind një shpresë e madhe, për një ndryshim të thellë të qeverisjes komunale. Gjilani për katër vite ishte vrimë e zezë në çdo sferë të jetës, duke përjetuar zhgënjim, mos investime, mos realizim të projekteve, depresion politik, me një fjalë Gjilani për katër vite kishte kryetar, që punonte për liderin e partisë, e jo për qytetarin.

Gjilanasit e vërtetë e kanë edhe një rast të mirë që më 9 nëntor tia kthejnë dinjitetin këtij qyteti të lënë pasdore, ta kthejnë shpresën e madhe dhe të zgjedhin një kryetar që është komunikues, i afërt me qytetarin, i ditur në menaxhim dhe realizues i projekteve të mëdha.

Ndryshe nga votat me postë për këtë komunë, Alban Hyseni nga Lëvizja Vetëvendosje ka marrë 51.76 për qind të votave të diasporës, ndërsa kandidati i Lidhjes Demokratike të Kosovës (LDK), Arber Ismajli, ka siguruar 36.53 për qind të tyre./rajonipress/