Peon Sadiku, radhitë suksese, tashmë edhe si regjisor!

Gjilan – Peon Sadiku klasa V-3 nxënës i shkollës fillore “Abaz Ajeti” në Gjilan përveç që njihet si këngëtar, ai me filmin “Duart e Vogla” përfaqësoi shkollën dhe është radhitur në tre filmat më të mirë nga nxënësit e klasës 1-5, në mesin e 2000 filmave për Oscar Junior International.

Ceremonia “Junior Oscar” mbahet ditën e premte ( 19 gusht, 2016) në Festivalin Ndërkombëtar “Anibar” në teatrin “Istref Begolli” në Pejë.

Pas vlerësimit të filmave të krijuar nga nxënësit e shkollave fillore të Kosovës për garën Junior Oscar 2016. Në komisionet vlerësuese morën pjesë përfaqësues nga Programi për Arsim Themelor i USAID-it, IPKO Foundation dhe Anibar.

Filmat e përzgjedhur janë të ndara brenda këtyre kategorive: – Filmi më i mirë nga nxënësit e klasës 1-5 – Filmi më i mirë në gjuhën angleze (për nxënësit e klasave 6-9) – Filmi më i mirë dokumentar (për nxënësit e klasave 6-9) – Tregimi më i mirë (për nxënësit e klasave 6-9) – Filmi më i mirë i animuar i punuar me programin ALICE (për nxënësit e klasave 6-9).

Junior Oscar është garë që ka për qellim zhvillimin e shkathtësive kreative, inovative dhe të punës grupore të nxënësve. Gara është organizuar nga Anibar në bashkëpunim me IPKO Foundation dhe në përkrahje nga Programi për Arsim Themelor i USAID-it.

Anibar këtë vit organizon edicionin e shtatë nga 15 deri më 21 gusht, dhe, sipas organizatorëve, numri rekord i filmave që dëshirojnë të shfaqen në ekranet e Anibar tregon për rritjen e madhe të interesit të filmbërësve për festivalin.
“Ne i falënderojnë të gjithë filmbërësit për aplikimin dhe për interesin ndaj festivali”, citohet të kenë thënë ata.

Programi i filmave do të shpaloset gjatë muajit qershor, së bashku me programin e punëtorive, masterklasave, prezentimeve, dhe aktiviteteve tjera të festivalit.
Çmimet që do të ndahen këtë edicion janë:
– Kurora për Çmimin kryesor
– Kurora për Filmin më të mirë në kategorinë Ballkan
– Kurora për Filmin më të mirë në kategorinë Student
– Kurora për Çmimin e publikut
– Kurora për Kauzën më të mirë
– Kurora për Video e animuar muzikore më të mirë
– Kurora për Filmin më të mirë për mjedisin
– Kurora për Filmin më të mirë për fëmijë

Shih edhe :
Peoni në emisionin Odeon https://www.youtube.com/watch?v=xCxLqFISKpw
Njeriu punëtor; https://www.youtube.com/watch?v=912046w3cMQ
Trend dite – intervista , Peon Sadiku https://www.youtube.com/watch?v=9AkjSESrg8Q
Mollkuqet për pema https://www.youtube.com/watch?v=2rYeWayWd8o
Ta ruajm ambientin https://www.youtube.com/watch?v=TYMKkej7ykY
Filloi ndërtimi i aneksit të shkolles ” Abaz Ajeti” Gjilan https://www.youtube.com/watch?v=o73mdauOBVg
/Ismet Azizi/rajonipress/