KKVITI

Pensionohet profesoresha Sabrije Sahiti, pedagoge dhe punëtore e palodhur

/ 2 minuta lexim
RCCOLA

Gjilan – Pas një pune mbi katër dekada (41 vite e gjysmë) në arsim është pensionuar profesoresha Sabrije Sahiti, profesoreshë e lëndëve ekonomike në SHME “Marin Barleti” Gjilan.

Në ditëlindjen e 65-të kolektivi i shkollës i kanë uruar pensionimin dhe ditëlindjen njëkohësisht. Profesoresha Sabrije ishte një punëtore, pedagoge dhe mësimdhënëse e afërt me nxënësit dhe kolektivin e shkollës.

Punoi me dekada me përkushtim dhe angazhim të jashtëzakonshëm për edukimin dhe arsimimin e shumë brezave.

E falënderojmë profesoreshën Sabrije për sinqeritetin, thjeshtësinë dhe përkushtimin në përmbushjen e misionit të shenjtë të mësimdhënësit.

Mobi Casa

Të shumtë janë nxënësit që kanë pasur fatin të marrin mësime nga profesoresha Sabrije te të cilët ka skalitur mirësinë, kulturën dhe dijen. Kolektivi i shkollës do të ndihet gjithmonë krenar për punën dhe angazhimin e saj të palodhur në këtë shkollë. Do të na mungojë fryma pozitive, këshillat dhe sinqeriteti i juaj i përditshëm.

Ne koleget dhe kolegët do ta ruajmë një konsideratë të veçantë për fisnikërinë që të karakterizoi. Vlerësim për profesoreshën Sabrije për qetësinë, urtësinë, durimin dhe punën e palodhur deri në ditën e fundit të pensionimit. Puna shumëvjeçarë e profesoreshës nuk mund të shkruhet brenda këtyre rreshtave.

Profesoresha Sabrije do të mbetet gjithmonë e respektuar dhe pjesë e kolektivit tonë.
Tani pensionimi i juaj nuk përfundon por do të jetë një fillim i ri për të shijuar meritat e punës suaj.

Profesoreshë Sabrije e gëzofshi pensionimin, ju dëshirojmë shëndet dhe gëzime në jetë së bashku me më të dashurit tuaj.
Me respekt,
Drejtoria e shkollës!