Pensionohet profesoresha e Gjuhës Shqipe, e Gjimnazit “Zenel Hajdini”, Zize Ismajli

Gjilan – Profesoresha e Gjuhës Shqipe në Gjimnazin “Zenel Hajdini”, Zize Ismajli pas një karriere të gjatë në procesin mësimorë pensionohet duke lënë ditarin dhe nxënësit që aq shumë i deshti e i respektojë.

Zize Ismajli e lindur në Lutogllavë të Pejës e cila shkollimin e kreu në vendlindje dhe në Gjimnazin e Pejës. Profesoresha Zizë e cila ishte një nxënëse e dalluar me shumë sukses kreu në Universitetin e Prishtinës Fakultetin Filologjik, dega Letërsi dhe Gjuhë Shqipe.

E dashuruar pas dijës e nxënësve ajo mori ditarin në dorë në vitin 1991-92 në kohëra tejet të vështira kur regjimi serb kishte larguar nxënësit shqiptarë nga shkolla.

Profesoreshën Zize Ismajli edhe më shumë e frymëzojë mbyllja e shkollave shqipe ajo me tërë qenien e saj në mënyrë profesionale edukative dhe atdhetare dha kontribut të jashtëzakonshëm në “Shtëpi Shkolla”.

Respektin që kishte ndaj Gjuhës Shqipe profesoresha Zize dha një kontribut të çmuar tek dija e nxënësve si në anën edukative poashtu edhe atdhetare.

“Jam shumë e lumtur që karrierën time ja kam dedikuar nxënësve dhe shkollës shqipe dhe atdheut tim, ishte një ëndërr fëmijërore të cilën e realizova me shumë dashuri, nga zemra i falënderohem çdo nxënësi që pata mundësi ti jap mësim duke ju dëshiruar të gjitha të mirat në karrierën e tyre, i falënderohem poashtu të gjithë profesorëve e profesoreshave që në të mirë e në të keq së bashku i kaluam sfidat të cilat na vunë shumë herë në sprovë një falënderim të posaçëm dhe nostalgjik ia dedikoj bashkëshortit tim profesorit Ruzhdi Ismajli i cili poashtu ishte profesor i Gjuhës Shqipe, që së bashku kontribuuam për të mirën e arsimit të popullit shqiptar dhe jam krenare me punën të cilën e kemi bërë gjatë këtyre viteve” tha profesoresha Zize Ismajli.

Profesoresha Zizr Ismajli jeton e vepron në Gjilan është nënë e tre fëmijëve të mrekullueshëm Arbërit, Artës dhe Benit. Poashtu ajo sot është afër me shumë krenari e dashuri tek nipat e sajë Arti, Ari, Aldi, Arbesi, Benari e Rubeni.

Qyteti i Gjilanit dhe Gjimnazi “Zenel Hajdini”, duhet të jenë krenar me ish profesoreshën Zizë Ismajli, e cila një jetë të tërë ja kushtoi arsimit.

Profesoreshës Zizë Ismajli i dëshirojmë pensionim të rehatshëm në gjirin familjar./rajonipress/

Shpërndaje.
© RAJONIPRESS