Pensionistët ndihmojnë familjet skamnore

Gjilan – Edhe pse janë pensionist dhe në moshë të shtyrë asnjëherë nuk janë ndalur duke ndihmuar me gjëra ushqimore e veshmbathje familjet skamnore, veteranët e luftës e kategori të tjera. Në prag të festës së Bajramit, Federata Sindikale ka ndihmuar 100 familje gjilanase me gjendjen e rëndë materiale thotë Muharrem Bajrami.

Edhe pse janë pensionist dhe realisht kanë nevojë që vet të ndihmohen nga të tjerët kjo nuk është pengesë për ta që të mbledhin ndihma dhe në prag të çdo feste të ndihmojnë familjet skamnore.

Ka disa vite që kryesindikalisti Muharrem Bajrami gjen kurajo dhe ndihmon familjet skamnore. Edhe tani në prag të festës së Bajramit, Federata Sindikale e Pensionistëve ka ndihmuar 100 familje skamnore, raporton rajonipress.

Muharrem Bajrami kryetar i kësaj federate tha për rajonipress se kanë ndihmuar 100 familje me gjëra ushqimore, miell, e veshmbathje. Kryesisht janë ndihmuar familjet skamnore dhe veteranët e luftës.

Bajrami tha se është i kënaqur që ende ka njerëz dhe organizata bamirëse të cilat ndihmojnë dhe japin kontributin tyre që në natën e Bajramit çdo familje të ketë ushqim mbi sofrat e tyre

Federata Sindikale ndryshe ndihmon rregullisht edhe familjet e pensionistëve me gjendjen e rëndë materiale./rajonipress/