Pengon procesin mësimor, kërcënon drejtorin, prangoset nga policia

Gjilan – Policia e Kosovës është njoftuar për një incident që ka ndodhur në Gjilan. Nga hetimet e para në vendin e ngjarjes besohet se deri te incidenti ka ardhur kur i dyshuari shqiptar së bashku me motrën e tij, gjithashtu e dyshuar e rastit kishin hyrë brenda objektit të shkollës fillore “Selami Hallaqi”, ku kishin penguar një mësuese të kësaj shkolle në vijimin e procesit mësimor, me arsyetimin se ajo nuk është duke e trajtuar mirë vajzën e tyre.

Ndërkohë të njëjtit kanë shkuar në zyrën e drejtorit të kësaj shkolle, dhe me tonë të lartë të zërit i dyshuari ka ofenduar drejtorin, ku i dyshimti me fjalë kërcënon edhe drejtorin përkundër që ai i kishte kërkuar që i dyshimti të liroj zyrën e tij.

Palët e përfshira në këtë incident janë marrë nga Policia e Kosovës njësitet reaguese, janë intervistuar, është njoftuar prokurori i shtetit dhe me urdhër të tij ndaj të dyshuarit është vënë masa e ndalimit Policor 48 orë, ndërsa ndaj të dyshuarës është iniciuar kallëzim penal për veprën e njëjtë penale “Pengim i personit zyrtar gjatë kryerjes së detyrës zyrtare “. Rasti i dedikohet gjykatës njoftoj Ismet Hashani./rajonipress/