ARKATANA

Pendarovski ia dorëzoi mandatin, Xhaferi: Edhe si kryeministër do të punoj me ndershmëri

/ 1 minutë lexim

Presidenti i Maqedonisë së Veriut, Stevo Pendarovski, i dorëzoi mandatin për formimin e qeverisë së re për organizimin e zgjedhjeve Talat Xhaferit. Qeveria e re pritet të votohet të dielën, 100 ditë përpara ditës së zgjedhjeve.

Xhaferi tha se si kryeministër do të vazhdojë të punojë “me përkushtim dhe ndershmëri”.

“Me krenari dhe nder të veçantë e pranova Mandatin për formimin e Qeverisë. Edhe nga pozita e Kryeministrit do të vazhdoj të punoj me përkushtim, me përgjegjësi dhe transparencë, duke i pasur gjithmonë parasysh mirëqenien, përparimin dhe përfitimet e qytetarëve dhe shtetit”.

Fundamenti

Ndërkaq, Kuvendi i Maqedonisë së Veriut e zgjodhi kryetrarin e ri, Jovan Mitreski.

Partitë do të shfrytëzojnë kohën e mbetur deri të dielën për të zgjidhur përplasjet, rreth asaj që VMRO-DPMNE-ja nuk dëshiron ta votojë qeverinë e drejtuar nga Xhaferi kurse LSDM-ja thotë se “nuk ka asnjë rast në botë kur një parti që merr pjesë në qeveri dhe të mos e votojë atë”./Express/