Pele i Perusë: Shaqiri si Messi e Neymar

Xherdan Shaqiri ka marrë lëvdata nga një prej futbollistëve më të mirë të të gjitha kohërave, Teofilo Cubillas. Për këtë të fundit, Xherdani nuk ka asgjë më pak se Lionel Messi e Neymar.

Një nga lojtarët më të mirë të historisë së futbollit, peruani, Teofilo Cubillas, ka lavdëruar futbollistin kosovar të Përfaqësueses së Zvicrës, Xherdan Shaqiri.

Cubillas, i cili ndryshe njihet edhe si Pele i Perusë, ka theksuar se Xherdani është në një nivel me superyjet si Lionel Messi, Neymar e Karim Benzema.

“Kjo është Kupa e Botës, me emra të mëdhenj. Janë Messi, Neymar, Benzema, James Rodriguez e Shaqiri. A është Shaqiri në një nivel me këta superyje? Sigurisht, ai është një talent gjigant!”, u shpreh Cubillas, përcjell bluewin.ch.

“Ai është lojtar me instinkt të klasit të parë”, shtoi tutje Pele peruan.

Ky i fundit konsiderohet si një nga lojtarët më të mirë që ka prodhuar ndonjëherë Amerika Latine.