Fundamenti

Peci: Personalisht do të ndihmoj të zbulohen gjyqtarët e korruptuar

/ 1 minutë lexim

Kryesuesi i Këshillit Gjyqësor të Kosovës Enver Peci me rastin e arrestimit të një gjyqtari të Gjykatës Komunale në Gjilan i cili dyshohet për kryerje të veprës penale, shpreh indinjatën e thellë për këtë ngjarje që është goditje e rëndë për sistemin gjyqësor përkundër të gjitha përpjekjeve dhe të arriturave në përmirësimin e kushteve dhe ambientit të punës së gjyqtarëve.

Kryesuesi i Këshillit Gjyqësor të Kosovës zotohet se personalisht dhe institucionalisht do të ndihmojë dhe ofrojë përkrahjen e tij ndaj organeve te ndjekjes dhe qytetarëve të gatshëm në zbulimin e rasteve të tilla në sistemin gjyqësor, thuhet në komunikatën e lëshuar nga KGK.

Fidanishtja

Së këndejmi, inkurajohen të gjithë qytetarët që kanë çfarëdo informate mbi veprimet me elemente korruptive të zyrtarëve brenda sistemit gjyqësor që pa ndonjë hezitim të njoftojnë organet përkatëse të ndjekjes gjegjësisht policinë dhe Prokurorinë./rajonipress/