PDK shkollë e gjeneratave të reja

Gjilan – Angazhimi aktiv i rinisë në një subjekt politik, e sidomos në PDK për rininë do të thotë shumë, për faktin se të jesh në organizim të një subjekti mirë të organizuar politikisht siç është PDK, konsiderohet një shkollim i gjeneratave të reja ka thënë Zenun Pajaziti.

“Në Partinë Demokratike të Kosovës, rinia do ta këtë hapësirën e vet meritore për të shprehur pikëpamjet e tyre pa hezitim për çështjet që lidhen ngushtë me rininë”, ka thënë kryetari i Degës së PDK-së në Gjilan , Zenun Pajaziti në takimin me delegatët e Rinisë Demokratike të Kosovës (RDK) nga Gjilani, përfaqësues në Kongresin e Rinisë Demokratike të Kosovës.

“Angazhimi aktiv i rinisë në një subjekt politik, e sidomos në PDK për rininë do të thotë shumë, për faktin se të jesh në organizim të një subjekti mirë të organizuar politikisht siç është PDK, konsiderohet një shkollim i gjeneratave të reja” ka shtuar Pajaziti.

Sipas Pajazitit pushteti ynë nuk përfundon tek njerëzit e strukturave të partisë, pushteti ynë ndahet dhe udhëhiqet bashkë me të gjithë, për të cilën gjë ndjehemi të nderuar për vazhdimin e punës dhe qeverisjes me ekipe fituese duke i lënë vendin meritor për marrjen e përgjegjësive edhe rinisë si shtresa më vitale e shoqërisë sonë.

Më tutje Pajaziti ka shtuar se Ekipi përfaqësues i rinisë me të cilin PDK ka punuar dhe do të vazhdojë të punojë do të jetë shembulli më i mirë i organizimit rinor dhe do të jetë pasqyrë e mirë jo vetëm për rininë por edhe për Komunën në përgjithësi.

Idetë e rinisë do të gjejnë përkrahje maksimale timen si kryetar dege dhe në përgjithësi të strukturave të degës.Përndryshe RDK dega në Gjilan në Kongresin e Rinisë Demokratike të Kosovës, përfaqësohet me 18 delegatë./rajonipress/