PDK-së i kërkohet “disiplinimi” i Krasniqit

Jakup Krasniqi mund ta ruajë postin e Kryetarit të Kuvendit vetëm nis arrin të gjejë gjuhë të përbashkët me shumicën e përfaqësuesve të PDK-së dhe me kabinetin qeveritar.

Diplomatë të jashtëm, sipas burimeve të “Kohës Ditore” kanë thënë haptas se nuk duan të shohin pengesa të brendshme gjatë punës së institucioneve qendrore të shtetit, veçanërisht tash kur ka filluar procesi i dialogut politik për normalizim të marrëdhënieve Kosovë – Serbi.

Seanca e së enjtes , e cila është ndërprerë dy herë, ka shtuar trysninë e ndërkombëtarëve ndaj lidershipit të PDK-së, për të garantuar rrjedhë normale të punës së Kuvendit.
Por në PDK besojnë se kanë kapacitete për ta ruajtur Krasniqin dhe për ta tejkaluar këtë situatë.