PDK në Viti : Zgjedhja e Thaçit president paraqet një moment historik

Viti – Me rastin e zgjedhjes së Presidentit të Republikës së Kosovës, z.Hashim Thaçi, Kryesia e Degës së PDK-së në Viti bashkë me strukturat e saja festoi këtë eveniment shumë të rëndësishëm në momentin e pikërishëm nëpër të cilin po kalon Kosova.

Zgjedhja e personalitetit të kalibrit si z.Hashim Thaçi, paraqet një moment historik, ngase njeriu të cilit historia i shkoi mbrapa, si në kuadër të luftës çlirimtare të UÇK-së, pastaj edhe në Konferencën Ndërkombëtare për Kosovën në Rambuje, gjithashtu edhe në kuadër të proceseve shteteformuese dhe shtetndërtuese, do të thotë për Kosovën, më shumë stabilitet politik, më shumë unifikim të skenës politike, më shumë mirëqenie për popullin e Kosovës, si dhe natyrisht më shumë mbështetje Ndërkombëtare për Kosovën nga SHBA, BE, dhe bota demokratike.

Dega e PDK-së në Viti me këtë rast i uron të gjithë qytetarëve të vendit zgjedhjen e z.Thaçi President i Kosovës thuhet në njoftimin e Komisionit për Informim të Degës së PDK-së në Viti./rajonipress/