PDK në Viti është forca më stabile dhe më vitale politike
RajoniPress
14:19, 12 Qershor, 2014
Viti – Edhe pse Kryesia e re e Degës së PDK-së në Viti, që nga koha e riorganizimit, deri në këto zgjedhje, kishte vetëm një muaj e gjysmë aktivitet, arritëm të tregojmë se PDK në Viti është forca më stabile dhe më vitale politike. Kështu thuhet në një komunikatë të degës së PDK-së në Viti.
Pas përfundimit të zgjedhjeve të 8 qershorit 2014 dhe shpalljes së rezultateve preliminare nga KQZ, Dega e PDK-së, në Viti, falënderon të gjithë anëtarët, simpatizantët dhe mbarë qytetarët për një kulturë dhe sjellje shembullore të treguar gjatë gjithë fushatës zgjedhore si dhe në ditën e zgjedhjeve, të qetë dhe korrekte.
Edhe pse Kryesia e re e Degës së PDK-së në Viti, që nga koha e riorganizimit, deri në këto zgjedhje, kishte vetëm një muaj e gjysmë aktivitet, arritëm të tregojmë se PDK në Viti është forca më stabile dhe më vitale politike. Kështu thuhet në një komunikatë të degës së PDK-së në Viti.
Ç’është e vërteta kjo është përgjigja e argumentuar ndaj atyre që vetëm dy muaj më parë deklaronin se në Viti, është shpërndarë Dega e PDK-së.
Në zgjedhjet e 8 qershorit 2014, u rikonfirmua edhe një herë besimi i palëkundur i mbarë qytetarëve të vendit në vlerat e larta të PDK-së, u konfirmua mirënjohja e qytetarëve ndaj lidershipit të PDK-së, u konfirmua besimi i qytetarëve për atë çfarë Qeveria e Republikës së Kosovës ka bërë për ta dhe për ngritjen e kapaciteteve institucionale – shtetërore, në këto 6 – 7 vitet e fundit.
Ne bëjmë më të mirën e mundshme për qytetarët në kushtet dhe rrethanat ekzistuese, e qytetarët bënë vlerësimin se kush, sa ka bërë për ta.
Ne besojmë thellë se me reformat e nisura në nivel të degës sonë, jemi opozita më e fuqishme, ndërsa aktiviteti dhe përgatitja jonë do të fokusohet të qeverisim me pushtetin lokal në zgjedhjet e para lokale.
Këtë e themi pa hezitim ngase këtë do t’a mundësojë potenciali njerëzorë, kadrovik dhe profesional që e kemi thuhet në njoftimin e degës së PDK-së, në Viti të nënshkruar nga Selman Ymeri nga sektori për Informim./rajonipress/
