Viti – Kur komunat tjera të Kosovës po gjejnë forma e mundësi për të ndihmuar qytetarët më të prekur nga kjo pandemi, Sokol Haliti po shpenzon mijëra euro në drita. Shpresojmë që kryetari i komunës t`i thërrasë mendjes dhe të jetë më kursimtar kurse paratë të orientohen aty ku janë më se të nevojshme dhe në mbështetje të qytetarëve tanë thotë në reagimin e tij Bekim Azizi kryetar i degës së PDK-së në Viti.
“Shpenzimi i mbi 15 mijë eurove për dekorimin e qytetit në kohë pandemie, kur secila familje në Kosovë po tregohet më kursimtare për shkak të situatës së paqëndrueshme shëndetësore dhe ekonomike, është i panevojshëm nga ana e Komunës së Vitisë” thotë Bekim Azizi.
Aziti thotë se ky shpenzim dhe shpenzime tjera tregojnë se pushteti i Sokol Halitit nuk është ka e merr seriozisht gjendjen në të cilën është Vitia dhe Kosova në tërësi. “Për më tepër dekorimi i qytetit sivjet në kohë pandemie është dyfishë më i shtrenjtë se vitin e kaluar që ishte 8000 mijë euro, kur nuk ishim përball kërcënimit të ndonjë pandemie apo fatkeqësie tjetër kurse sivjet shpenzohen 15129 euro” sqaron Azizi.
“Kur komunat tjera të Kosovës po gjejnë forma e mundësi për të ndihmuar qytetarët më të prekur nga kjo pandemi, Sokol Haliti po shpenzon mijëra euro në drita. Shpresojmë që kryetari i komunës t`i thërrasë mendjes dhe të jetë më kursimtar kurse paratë të orientohen aty ku janë më se të nevojshme dhe në mbështetje të qytetarëve tanë” tha Azizi./rajonipress/
