PDK në gjah për deputetë

​Rruga që ia ka hapur Gjykata Kushtetuese mundësisë që mandatari për qeveri të jetë edhe nga ndonjë subjekt tjetër, pasi që mandatari i PDK-së do të dështonte, e ka futur në panik partinë e Thaçit. Zyrtarët e kësaj partie po i mendojnë disa skenarë për të ikur nga dalja në opozitë.

Kjo parti po bisedon me deputetë të pakënaqur në LDK duke u munduar që t`i bindë ata që t`i bashkohen. Partia e Thaçit vlerëson se bashkë me minoritete i ka 57 deputetë, derisa për ta bërë qeverinë duhen vetëm edhe katër të tjerë.

Bindja apo ‘kontrabandimi’ i deputetëve, po shihet si zgjidhja më e mirë nga PDK-ja për t’i arritur votat për ta krijuar qeverinë.

Kjo ide mund të duket e realizueshme duke pasur parasysh disa pakënaqësi të shfaqura nga drejtuesit e LDK-së në lidhje me ngutinë e liderit të kësaj partie Isa Mustafa, për të bërë koalicion me AAK-në dhe Nismën./Tribuna/.