PDK: Komuna e qeverisur nga Sokol Haliti vjedhë edhe në varreza

Viti – Komuna e Vitisë kishte lidhur një kontratë dhe paguar një kompani për t`i mirëmbajtur varrezat nëpër vendbanimet e Komunës së Vitisë, por kjo kontratë ishte bërë vetëm sa për të bërë marketing politik me qytetarët dhe për të vjedhur paratë e qytetarëve thuhet në reagimin e degës së PDK-së në Viti.

”Mashtrimet dhe keqpërdorimet e kryetarit të komunës së Vitisë me paranë publike janë alarmante, secili projekt apo secila kontratë me operatorë të ndryshëm për të ofruar shërbime ndaj qytetarëve ka pasur si qëllim keqpërdorimin dhe zhvatjen e buxhetit komunal. Në foto pagesat dhe kontrata për mirëmbajtje të varrezave nëpër fshatra të Komunës sonë, e dini ju më së miri, a janë mirëmbajtur varrezat nëpër vendbanimet e juaja” thuhet në reagimin e PDK-së./rajonipress/