PDK i shmanget përsëri Kuvendit të Kosovës

Për shkak të mungesës së numrave për ta pasur shumicën brenda Kuvendit të Kosovës, Partia Demokratike e Kosovës ka vendosur që nesër të mos paraqitet fare me deputetët e saj në Kuvendin e Kosovës.

Burime të Gazetës thonë se kjo parti ka marrë qëndrim që t’ua ndalojë deputeteve paraqitjen në Kuvend duke shkaktuar kështu për të satën herë mungesë të kuorumit dhe dështim të seancës.

Kuvendi i Kosovës është duke vazhduar të funksionojë në një gjendje të paparë deri më tash në këto 12 vjet demokraci parlamentare.

Asnjë prej forcave politike nuk ka shumicën e duhur.

Për shkak të këtyre rrethanave më së shumti duket se po pëson Posta dhe Telekomi i Kosovës – statusi i së cilës, nëse flasim me terma religjioz, ka mbetur në purgator – as nuk është shitur dhe as nuk është blerë.

Nëse një situatë e tillë vazhdon shumë gjatë atëherë vlera e kësaj kompanie rrëmbimthi do të shkojë drejt një zhvlerësimi total./express/