PDK: Fillim i mbarë, Motorët tashmë janë të ndezur!

Gjilan – Takim i shkëlqyeshëm i grave e vajzave të strukturës së degës së PDK në Gjilan. Diskutime plotësisht të hapura, të sinqerta e të guximshme të zonjave e zonjushave tona. Ju lumtë ka shkruar Qemajl Mustafa.

E falënderojmë sekretaren e departamentit të gruas për nivelin nacional të PDK zonjën deputete Blerta Deliu Kodra e cila e inicio këtë takim me një pjesë të grave e vajzave të degës. E falënderojmë ndihmësen e deputetes Kosovare Murselin për kontributin sikur dhe prezencën e Njomëzës poashtu.

Në takim u thanë hapur kërkesat e grave dhe vajzave të degës për hapësirë publike brenda partisë dhe institucioneve sikur që u spikatën hapur edhe të metat por edhe te mirat e periudhave të kaluara të PDK në Gjilan dhe më gjerë.

Ky takim ishte shkëlqimi i parë i mirë në kuptimin e plotë të fjalës, pas izolimit të gjatë nga pandemia.

Me këtë takim dhe me dy takimet që patëm me Kryetarin Veseli në Gjilan dhe në qendër, motorët e degës veç janë ndezur.

Fryma e demokracisë së brendshme dhe e shanseve të barabarta për secilin e kthen doemos unitetin dhe motivimin për punë e për fitore. Ndryshe assesi.
Vazhdojmë me aktet tjera në degë e në qendër.
Gëzuar!