PDK: Arsimi në Viti është degraduar dhe politizuar skajshmërisht nga qeverisja klienteliste
Viti – Arsimi në Viti është degraduar dhe politizuar skajshmërisht nga qeverisja klienteliste dhe logjika e pashëndetshme qeverisëse e Sokol Halitit thuhet në reagimin e degës së PDK-së në Viti.
Reagimi i degës së PDK-së në Viti
Sokol Haliti ashtu siç i ka shndërruar në klientelizëm e nepotizëm punësimet në komunën e Vitisë njëjtë ka vepruar edhe me sektorin e arsimit duke e shndërruar atë në vend ku Sokol Haliti rehaton militantët e tij.
Mjafton t`i shikosh drejtorat e shkollave të emëruar nga Sokol Haliti dhe e kupton mirë se deri në cilin nivel është politizuar arsimi në Viti.
Sokol Halitit nuk i intereson edukimi i nxënësve të komunës së Vitisë, por rehatimi i klanit të tij pa asnjë kriter dhe duke shkelur ligjet e Republikës së Kosovës.
Arsimi në Viti është degraduar dhe politizuar skajshmërisht nga qeverisja klienteliste dhe logjika e pashëndetshme qeverisëse e Sokol Halitit./rajonipress/