PD vizitoi Lëvizjen Qytetare “Vatra”
RajoniPress
23:04, 13 Mars, 2017
Lideri i Lëvizjes për Drejtësi Sylejman Qerkezi me delegacion, vizituan Lëvizjen Qytetare Vatra ku u pritën nga kryetari Kushtrim Kadriu me anëtarët e kryesisë.
Në këtë takim u diskutuan problemet e ndryshme me të cilat ballafaqohen qytetarët e Kosovës, e veçanërisht qytetarèt e dëbuar nga Presheva, Bujanoci dhe Medvegja.
Qerkezi shprehu pakënaqësinë e tij lidhur me pozitën e shqiptarëve në Preshevë, Bujanoc dhe Medvegjè, shkeljen e të drejtave elementare dhe mos investimin në drejtim tè tyre.
Poashtu i pakënaqur edhe me gjendjen e të dëbuarve nga lufta e vitit 1999-të, ku tash e 18 vite nuk i gëzojnë të drejtat e elementare si çdo qytetarë tjetër në Republikën e Kosovës.
Kryetari Kadriu e falënderoi z.Qerkezin për vizitën dhe njëherit gatishmërinë e tij të sensibilizoi gjendjen e shqiptarëve të dëbuar nga Presheva, Bujanoci dhe Medvegja.
Këto dy subjekte u dakorduan të bashkëpunojnë në të ardhmen me aktivitete të ndryshme./rajonipress/
