– Teksti, muzika dhe interpretimi : Demir Krasniqi
Më 17 Shkurt , t’ vitit 2008-të ,
N’ Kosovë u shënua ngjarja e vërtetë !
Ngjarje që na gëzoi të gjithë shqiptarinë –
Në këtë ditë e shpalli Kosova – Pavarësinë !
Hej, hej, hej !
Shpallë Kosova shtet unik ,
Të pavarur demokratik !
U gëzua fusha , u gëzua malësia –
Gëzim të madh solli Pavarësia !
Seç uruan malet nga mbarë Shqipëria ,
Uruan Ilirida edhe Çamëria ,
Lugina e Preshevës edhe mbarë Malësia –
Gëzuar Kosovë , gëzuar Pavarësia !
Hej, hej, hej !
Këndojnë këngë e ngritin gota ,
Vijnë urime nga mbarë bota !
Urojnë t’ gjitha me dinjitet –
T’ gjithë shqiptarët në një shtet !
Moj Kosovë krenare , të uron Juniku –
Boll ka shkelë ndër shekuj përmbi ty armiku !
Moj Kosovë krenare , të uron Artana –
Boll kanë shkelë ndër shekuj përmbi ty sulltana !
Hej, hej , hej !
Moj Kosovë , t’ uron Drenica –
Boll t’ kanë shkelë krajla e krajlica !
Moj Kosovë , t’ uron Gollaku –
Boll është derdhë përmbi ty gjaku !
Moj Kosovë krenare , të uron Obria –
Boll ka shkelë ndër shekuj mbi ty robëria !
Moj Kosovë dardane , tokë e Ilirisë –
E gëzofsh për jetë ti , Diellin e Lirisë !
Hej, hej, hej !
Urojnë Krujë , urojnë Vushtrri –
T’ gjithë shqiptarët me një ushtri !
Urojnë Vlorë , urojnë Magurë –
T’ gjithë shqiptarët me një flamur !
Të urojnë Tomori , Dajti bashkë me Zym –
Që të gjithë shqiptarët ta kenë veç një Himn !
Po të urojnë sazet , çifteli , lahutë –
Që të gjithë shqiptarët t’ kenë një kushtetutë !
Hej, hej, hej !
Pavarësinë , shtetit t’ Kosovës –
Ia urojnë miqtë e gjithë botës !
Nga gjithë shtetet e Evropës –
Pëllëmbë për pëllëmbë vendet e tokës !
Bashkë me shtetet fqinje që janë në Ballkan –
Kosovën e pret Bashkimi Evropian !
Vendet e Evropës edhe të Azisë –
Ia urojnë Kosovës shpalljen e Pavarësisë !
Hej, hej, hej !
Vendet e Afrikës dhe t’ Australisë ,
Për çdo ditë i shtohet rrethi i miqësisë !
E urojnë Kosovën gjithë shtetet miqësore –
T’ Amerikës Veriore dhe t’ asaj Jugore !
Pavarësisë s’ Kosovës i urojnë punë të mbarë –
Sa ma shpejt t’ jetësohet bashkimi mbarëkombëtarë !
I urojnë Kosovës rrugë përparimtare –
Drejt organizatave t’ forta ndërkombëtare !
Hej, hej, hej !
N’ shumë organizata n’ rrugë t’ inkuadruara –
N’ Aleancë të NATO-së dhe n’ Kombe t’ Bashkuara !
Gëzuar pra , gëzuar , moj Kosovë kreshnike –
Krah për krah rrethuar bashkë me shtetet mike !
Gjilan, më 25 . 02. 2018 .
Demir Krasniqi
