Pasi “preku” Eurovizionin, Albina Kelmendi njofton për një tjetër arritje të madhe

Sukseset për Albina Kelmendin dhe familjen e saj nuk mbarojnë me triumfin në Festivalin e RTSH-së.

Albina dhe Familja Kelmendi kanë arritur një marrëveshje bashkëpunimi me krijuesen më prestigjioze të performancave skenike, Sacha & Jean Baptiste Group.

Lajmin e ka bërë të ditur këngëtarja përmes një storie në rrjetin e saj social në Instagram.

Albina me familjen e saj do të përfaqësojnë këtë vit Shqipërinë në Eurovizion me këngën “Duje”, ndërsa do të performojnë në natën e dytë gjysmëfinale, më 11 maj 2023.

Poashtu, vlen të ceket që një javë më parë, Albina Kelmendi ka lansuar këngën e fundit dedikuar përvjetorit të pavarësisë, këngë kjo e quajtur “Emri im”. /IndeksOnline/