Pas shumë vitesh pauze, Anxhelina Hadërgjonaj po vjen me një këngë të re

Ajo ka vite që nuk ka sjell ndonjë projekt muzikor para fansave të saj, të cilat i ka mijëra anembanë trojeve shqiptare.

Bëhet fjalë për Anxhelina Hadërgjonajn, e cila ka vite që jeton dhe vepron përtej oqeanit Atlantik, SHBA.

Por, duket se këngëtarja së shpejti do të sjell një këngë të re për publikun dhe tashmë ka filluar punën për klipin e ri.

Kështu së paku ka bërë të ditur vetë bukuroshja përmes llogarisë personale në Instagram teksa shihet në një studio muzikore.

“Na ka ardhur një kanarinë në studio”, shkruan kompozitori dhe këngëtari Kledi Bahiti, i cili duket se po përkujdeset për këngën e vajzës Albërije Hadërgjonajt.

Ndryshe, Anxhelina javët e kaluara ka shijuar pafund pushimet në Saint Tropez të Francës. Anxhelina shquhet për linjat trupore. /Telegrafi/