Pas shkëputjes, Shkurte Gashi rikthehet me projekt të ri!

Këngëtarja e njohur Shkurte Gashi rikthehet sonte në skenën muzikore me projektin e saj më të ri, i cili publikohet në orën 20:00.

Lajmin e ka bërë të ditur vetë artistja përmes rrjeteve sociale, ku ka paralajmëruar publikimin e këngës që shënon rikthimin e saj pas disa muajsh pauzë nga projektet muzikore.

Megjithatë, ky nuk është i vetmi lajm për fansat e saj. Me ardhjen e sezonit veror, Shkurte Gashi ka përgatitur edhe një agjendë të mbushur me koncerte dhe mbrëmje muzikore, duke qenë e pranishme në një sërë eventesh gjatë muajve në vijim.

Pas këtij organizimi qëndron bashkëshorti i saj, Albert Limani, i cili prej vitesh mban edhe rolin e menaxherit të artistes. Ai kujdeset për koordinimin e angazhimeve, organizimin e performancave dhe çdo detaj të karrierës së Shkurtës, duke bërë të mundur një menaxhim të suksesshëm të aktiviteteve të saj.

Tashmë gjithçka është gati dhe fansat presin vetëm orën 20:00, kur Shkurte Gashi do të prezantojë zyrtarisht këngën e saj më të re.