Pas shembjes së Teatrit Kombëtar në Shqipëri, reagon Rozana Radi

Pas rreth dy vitesh e gjysmë rezistencë, mëngjesin e sotëm në mënyrë të beftë e tinzare, nga autoritetet në Shqipëri u rrënua objekti i Teatrit Kombëtar.

Regjisorë, aktorë e gazetarë gjenden aktualisht kur po flasim në burg pas rezistencës në katër të mëngjesit.

E në lidhje me ngjarjen ka reaguar edhe Rozana Radi që vetëm një ditë më herët ndjeu dorën e shtetit në tentativën për të ta mbyllur televizionin ku punon, kritik ndaj policisë.

Përmes një postimi në rrjete sociale, Rozi është kthyer në retrospektivë.

‘Do kalojne vitet e sdo ta njohim me qytetin tone!!! U dogj nje Katedrale dhe e restauroj e gjithe bota ndersa ju cfar bete ? I varate per here te dyte ata qe sjane me e qe e ngriten me shume mund e dashuri kete tempull. Se di si ndjehen sot ato / ata qe firmos per te pare me syte e tyre kete qe po shikon gjithe Shqiperia sot. Une ju kisha denuar me asnje duartrokitje kur te tentoni te ngjiteni neser ne skene . Ju kisha denuar duke mos u futur ne asnje salle ku do interpretoni . Ju se meritoni dashurine e spektatorit’ – shprehet mes tjerash këngëtarja në postimin e bërë.