RCCOLA

Pas formimit të Qeverisë Hoti, reagon Presidenti Thaçi

/ 1 minutë lexim

Presidenti i Kosovës, Hashim Thaçi ka reaguar pas votimit të qeverisë së re në krye me Avdullah Hotin, raporton Gazeta Express.

Përmes Facebook’ut, i pari i shtetit ka përgëzuar deputetët për votimin e Qeverisë, duke thënë se kjo është një ditë e rëndësishme për demokracinë dhe qytetarët e Kosovës.

“Qeverisë së re i uroj sukses në përmbushjen e programit qeverisës dhe i ofroj bashkëpunim të plotë në jetësimin e agjendës kombëtare dhe ndërkombëtare”, ka thënë ai.

RCCOLA

Thaçin ka shkruar se me bashkëpunim dhe koordinim ndërinstitucional mund të bëhet rimëkëmbja e ekonomisë.

“Me bashkëpunim dhe koordinim ndërinstitucional mund ta rimëkëmbim ekonominë tonë dhe të lëvizim me hapa më të shpejtë drejt integrimit euroatlantik, duke e fuqizuar partneritetin me SHBA-në dhe me të gjitha shtetet mike”, ka shkruar presidenti./Express/