Pas agjërimit, kujdes për ushqimin

​“Agjëruesit e Ramazanit duhet tani të jenë të kujdesshëm me ushqimin, mos të hanë tepër, të konsumohen më shumë ushqimet kalorike, jo të yndryshme, normal duhet të ketë kujdes për shkak se nuk duhet të konsumohet shumë sheqer, sidomos te njerëzit që kanë probleme që mund të jenë kandidat eventual për ta fituar sëmundjen e diabetit.”

Ashtu siç afrohet fundi i Ramazanit, agjëruesit e muajit të Ramazanit kanë përpara festën e Fitër Bajramit. Festë ku tradicionalisht shtrohen ushqime dhe ëmbëlsira të ndryshme. Megjithatë pas një muaji agjërim, konsumimi i këtyre ushqimeve mund të jetë i dëmshëm.

Për këtë jemi interesuar dhe kemi pyetur mjekun Fikri Abdullahi i cili apelon që qytetarët që kanë agjëruar të kenë më shumë kujdes.

“Agjëruesit e Ramazanit duhet tani të jenë të kujdesshëm me ushqimin, mos të hanë tepër, të konsumohen më shumë ushqimet kalorike, jo të yndryshme, normal duhet të ketë kujdes për shkak se nuk duhet të konsumohet shumë sheqer, sidomos te njerëzit që kanë probleme që mund të jenë kandidat eventual për ta fituar sëmundjen e diabetit”, tha për “Lajm” Abdullahi.

Ai më tej shton se ushqimet e freskëta, pemët dhe perimet, pirja më shumë e lëngjeve natyrale dhe shmangja e lëngjeve me gaz janë shumë të rëndësishme gjatë kësaj periudhe, sepse pas një muaji agjërim tani ndodhë normalizimi i trupit të njeriut ku gjithçka duhet të kthehet në normale.

Ky ramazan ndryshe njihet edhe si Ramazani më i gjatë me temperaturat më të larta. Festa e Fitër Bajramit do të festohet të hënën.