Pas 25 vitesh LDK në Viti përfaqësohet edhe në nivelin qendror

Gjilan – Është nder dhe përgjegjësi që të jesh në organin më të lartë politiko – ekzekutiv, pra në kryesinë qendrore të LDK-së, sidomos nga një komunë e cila nuk ka qenë e përfshirë tash e 25 vite në kryesinë qendrore të LDK-së. LDK-ja me forcimin e pjesës së Anamoraves, me inkuadrimin tim në kryesi si dhe me zgjedhjen nënkryetar të Lutfi Hazirit, ka treguar respektin e saj për votën e Anamoravës thotë Sokol Haliti anëtar i kryesisë qendrore të LDK-së.

Sokol Haliti po ndihet krenar dhe njëkohësisht dhe përgjegjës që është zgjedhur në kryesinë qendrore të LDK-së. Haliti inkuadrimin e tij në kryesinë e LDK-së e sheh si një forcim dhe fuqizim të degëve të LDK-së në Anamoravë.

Haliti për rajonipress thotë se kontributi im në LDK do të jetë si deri më tash, në përputhje me normat dhe rregullat që dalin nga statuti i LDK-së dhe obligimet që na dalin nga asociacioni i partive popullore evropiane. “Natyrisht, duke iu bashkuar frymës ekipore dhe bashkëvepruese që ka LDK-ja si partia më me traditë në trojet shqiptare. Është nder dhe përgjegjësi që të jesh në organin më të lartë politiko – ekzekutiv, dmth në kryesinë qendrore të LDK-së, sidomos nga një komunë e cila nuk ka qenë e përfshirë tash e 25 vite në kryesinë qendrore të LDK-së” tha Haliti.

Haliti tha se ka qenë e mirëseardhur për një degë që është tejet stabile dhe fituese e dy palë zgjedhjeve inkuadrimi im në kryesinë qendrore.

“Përvoja ime si në nivelin lokal dhe nivelin qendror do të jetë invencion shtytës, bashkë me anëtarët e tjerë si në pikëpamje organizative ashtu edhe profesionale. Natyrisht do të punojmë bashkë me akteret tjerë përfaqësues nga Anamorava si nga aspekti partiak, por edhe institucional”.

Haliti mendon se LDK-ja me forcimin e pjesës së Anamoraves, me inkuadrimin e tij në kryesi si dhe me zgjedhjen nënkryetar të Lutfi Hazirit, ka treguar respektin e saj për votën e Anamoravës.

“Do të jem zë i fuqishëm i qytetarëve si nga aspekti partiak ashtu edhe institucional për mbrojtjen e interesave të Anamoraves” tha Haliti./rajonipress/